فينكم يا مصريات يا حلوات....... الجزء الاول

r

roro cat

عروس فضية

12-12-2008 | 02:46 AM

ازيكم احلى بنات

طبعا انا شوفت تجمع لينا في كل الاقسام
جتني فكره نعمل تجمع لينا هنا في قسم الازياء طبعا كلنا بنعمل شوبنج وبتطلع عنينا في اللف على اللي يناسبنا واللي مش يناسبنا ونضطر نلف ونلف مره واتنين وتلاته واحيانا مبيبقاش في وقت لده كله واحيانا كمان بنزهق ونتعب فانا قررت نساعد بعض هنا في القسم ده زي ما بنساعد بعض في باقي الاقسام
بمعني اللي بتدور على باديهات نوعيات معينه او الوان معينه
او لانجيري او لبس داخلى
ايشاربات - جينسات
المحلات اللي عامله ديسكونت
االاسعار
كمان الترزيات الكويسين اللي بيعملوا شغل محترم مميز واللي بيقفلوا ويوضبوا اللبس والاقمشه الجديده واسعارها
فساتين السهره والزفاف يبقى موضوع شامل كله كله والماركات وكده نلاقيها فين وبكام
ويبقى تقرير يومي اول باول للي نزلت تعمل شوبنج ونزلت السوق شافت ايه وجابت ايه ومنين وبكام نساعد بعض في الالوان وايه يليق على ايه كل حاجه
وعشان محدش يدحك علينا وكمان لبس البيت البيجامات والترينجات وكل حاجه حتى الشوز والكوتشيهات
يلا يا بنات همتكم معانا
عايزين موضوع شامل كامل زي باقي الاقسااااااااااام
ويبقى اجزاء كتير باءذن الله (y)

W

Warde

عروس رائعة

12-12-2008 | 03:01 AM

يسعدنى و يشرفنى إنى أرد عالموضوع ده ، جزاكى الله خيرا يارورو (صاحبة الفكرة الجميلة ديه) و إن شاء الله يكون فيه تفاعل أكتر و أكتر عشان نستفيد كلنااااا...

أولا: كنت فى وسط البلد إمبارح (تالت يوم العيد) ، كانت الدنيا زحمة جدا جدا ..
عجبنى اللبس الشتوى اللى نازل أغلبه كله بلطوهات أسعارها فوق ال 120 كده ..

فيه جيبات لذيذه كده غير الجينز عبارة عن كاروهات و واسعة من تحت أسعارها من 115 لحد 185 ج كده

ثانيا: ياجماعة أنا مش بحب ربطات الحجاب السبنش خالص (اللى هى الرقبة تبقى واضحة ) و مش بحب الفرح اللى بيتعمل فى الطرح ديه من ورا ، بالله عليكوا اللى تلاقى صورة للفة طرحة للسهرة بس رقيقة ، بسيطة .. شيك .. مش سبنش .. تحطها هنا علطول :)

r

roro cat

عروس فضية

12-12-2008 | 03:07 AM

اهلا يا وردي وطبعا انا مبسوطه انك شرفتي موضوعي
ابتدي اساءل انا بقى يا بنات انا بحتار في البرا مفيش حاجه مريحاني وعجباني عايزه برا يدي منظر مدور انا صدري مش كبير يخلي المنظر كويس وحجمه كويس ويكون مريح ويدي منظر مرفوع بصراحه مش عارفه اوصف ايه احسن ماركات البرهات؟
والاقيها فين وبكام؟ ولو عايزه المنظر ده مش بعاد عن بعض يعني يا ريت تفهموني وازاي اعرف ان البرا مظبوط؟
ولو حد بيعرف ترزي او ترزيه بنطلون بس تكوت توب بتعمل شغل محترم وبتظبط البنطلون صح عشان انا غلبت مفيش حد بيعجبني ويطلعه زي ما انا عايزه وبيتبهدل القماش على الفاضي عايزه اغير غير الجينز الازرق
مش هينفع كله جينز جينز بصراحه عندي افكا ركتير ومتميزه وببقى عايزه ترزي شاطر يفهمني وينفذها بس بغلب على الفاضي ومش بيطلع زي منا عايزه

l

looloo86

عروس ذهبية

12-12-2008 | 03:11 AM

بصي إلي بيجي بحديدة من تحت هو أكتر حاجة بترفع في ماركت كتيرة بس أنا مش بجيبو هو بيكبر على فكرة بس بيرفعهم

انتي منين يا قمر لو من أليكس في a1 في محرم بيك مرة عملت عندها بلوزة من كتالوج بس من سنتين كدة و كانت بالظبط زيها
بس فالبنطلونات جيبي من المحلات أحسن و حاجات كتيرة حلوة

W

Warde

عروس رائعة

12-12-2008 | 03:13 AM

roro cat;8036655:
اهلا يا وردي وطبعا انا مبسوطه انك شرفتي موضوعي
ابتدي اساءل انا بقى يا بنات انا بحتار في البرا مفيش حاجه مريحاني وعجباني عايزه برا يدي منظر مدور انا صدري مش كبير يخلي المنظر كويس وحجمه كويس ويكون مريح ويدي منظر مرفوع بصراحه مش عارفه اوصف ايه احسن ماركات البرهات؟
والاقيها فين وبكام؟ ولو عايزه المنظر ده مش بعاد عن بعض يعني يا ريت تفهموني وازاي اعرف ان البرا مظبوط؟
ولو حد بيعرف ترزي او ترزيه بنطلون بس تكوت توب بتعمل شغل محترم وبتظبط البنطلون صح عشان انا غلبت مفيش حد بيعجبني ويطلعه زي ما انا عايزه وبيتبهدل القماش على الفاضي عايزه اغير غير الجينز الازرق
مش هينفع كله جينز جينز بصراحه عندي افكا ركتير ومتميزه وببقى عايزه ترزي شاطر يفهمني وينفذها بس بغلب على الفاضي ومش بيطلع زي منا عايزه

جربى كده البرا المبطن ، هيديكى الشكل المدور وحجم أكبر .. أنا مش عارفة الماركات أوى ..

كان فيه خياطة بيتكلموا عنها فى تجمع التجهيزات .. فى بنتين راحولها بس مش عارفة عملوا إيه ، هاحاول أشوفلك تفاصيلها و أبعتهالك عالخاص ..

l

looloo86

عروس ذهبية

12-12-2008 | 03:15 AM

Warde;8036611:
يسعدنى و يشرفنى إنى أرد عالموضوع ده ، جزاكى الله خيرا يارورو (صاحبة الفكرة الجميلة ديه) و إن شاء الله يكون فيه تفاعل أكتر و أكتر عشان نستفيد كلنااااا...

أولا: كنت فى وسط البلد إمبارح (تالت يوم العيد) ، كانت الدنيا زحمة جدا جدا ..
عجبنى اللبس الشتوى اللى نازل أغلبه كله بلطوهات أسعارها فوق ال 120 كده ..

فيه جيبات لذيذه كده غير الجينز عبارة عن كاروهات و واسعة من تحت أسعارها من 115 لحد 185 ج كده

ثانيا: ياجماعة أنا مش بحب ربطات الحجاب السبنش خالص (اللى هى الرقبة تبقى واضحة ) و مش بحب الفرح اللى بيتعمل فى الطرح ديه من ورا ، بالله عليكوا اللى تلاقى صورة للفة طرحة للسهرة بس رقيقة ، بسيطة .. شيك .. مش سبنش .. تحطها هنا علطول :)

أنا مش بحب منظر السبانيش خالص بس فالأفراح عشان يدي إيحاء إن الشعر كأنو مرفوع شنيون بيعملوه
فلو كدة البسي بدي هاي كول و إعمليها سبانيش

W

Warde

عروس رائعة

12-12-2008 | 03:22 AM

بيبقى فى ربطات لذيذة و فى نفس الوقت مخبية الرقبة ، بس ديه مش بلاقى صور ليها كتيررر ...

بلاش البرا أبو حديدة تحت ، ده بيوجع أوى ..

ا

ام لووكاا

عروس مبدعة

12-12-2008 | 03:28 AM

roro cat;8036655:
اهلا يا وردي وطبعا انا مبسوطه انك شرفتي موضوعي
ابتدي اساءل انا بقى يا بنات انا بحتار في البرا مفيش حاجه مريحاني وعجباني عايزه برا يدي منظر مدور انا صدري مش كبير يخلي المنظر كويس وحجمه كويس ويكون مريح ويدي منظر مرفوع بصراحه مش عارفه اوصف ايه احسن ماركات البرهات؟
والاقيها فين وبكام؟ ولو عايزه المنظر ده مش بعاد عن بعض يعني يا ريت تفهموني وازاي اعرف ان البرا مظبوط؟
ولو حد بيعرف ترزي او ترزيه بنطلون بس تكوت توب بتعمل شغل محترم وبتظبط البنطلون صح عشان انا غلبت مفيش حد بيعجبني ويطلعه زي ما انا عايزه وبيتبهدل القماش على الفاضي عايزه اغير غير الجينز الازرق
مش هينفع كله جينز جينز بصراحه عندي افكا ركتير ومتميزه وببقى عايزه ترزي شاطر يفهمني وينفذها بس بغلب على الفاضي ومش بيطلع زي منا عايزه

الموضوع جميييل جداااااااااااااا وربنا يوفقكو - بالنسبة للبرا ياقمر في براهات كده شفت زيها في وسك البلد اسمه برا سواريه بيكون ناشف ومدور كده شوفيه يمكن يعجبك - وفي كمان برا عادي مبطن بس ع خفيف مش تقيل يعني ده بيكون لذيذ برده انا برده صدري صغير وبلبسه

l

looloo86

عروس ذهبية

12-12-2008 | 03:36 AM

Warde;8036777:
بيبقى فى ربطات لذيذة و فى نفس الوقت مخبية الرقبة ، بس ديه مش بلاقى صور ليها كتيررر ...

بلاش البرا أبو حديدة تحت ، ده بيوجع أوى ..

:oماهو عشان الخروج فالبيت أكيد نو
بس هو أكتر حاجة بتظبت:(

W

Warde

عروس رائعة

12-12-2008 | 03:46 AM

حد شاف جيبات زى ديه بس تكون طويلة ؟؟؟

ت

تيميــة

عروس رائعة

12-12-2008 | 04:15 AM

ما شاء الله يا رورو الفكرة جميلة
جزاكِ الله خيراً

Warde;8037011:
حد شاف جيبات زى ديه بس تكون طويلة ؟؟؟

سبجان الله عندي واحده قريبه ليا خالص نفس الطول تقريبا والشكل ومعاها حزام كمان بس أطول سنة عند الركبة كده متفهمنيش غلط مش بخرج بيها :D

بصي يا قمر في حاجات قريبة ليها أول عند محل اسمه Fluf في سيتي ستارز وعنده بنطلونات كمان حلوة أوي أوي الحمد لله جبت واحد منه أرماني ودي صورته

وفي من الجوبات دي برضه في wave و Benetton

بس بيناتون أغلى واللبس بتاعه أحلى من وييف
ومقاسات بيناتون صغيرة شوية زي مقاسات بره

n

nona_koky2000

عروس رائعة

12-12-2008 | 04:25 AM

مبرووووووووووووووووووووووووووووك على الموضوع ده وان شاء الله يبقى فيه منه أجزاااء كتيييير

I

Isis

عروس مبدعة

12-12-2008 | 04:33 AM

ميرسي يا رورو عالموضوع الحلو ... فعلا كنا محتاجينه وربنا يوفقك ويوفقنا ونقدر نفيد بعض

بصي يا لولو ... لو صدرك صغير او حجمه حلو يبقى انتي مش محتاجه حاجه تظبط ... يمكن محتاجه حاجه تبرزه اكتر ... هاتي مبطن او الي فيه حديده بي شيلي الحديده ... بجد بلاش تلبسيها لانها بتوجع و بتضغط والحاجات دي غلط جداااااا ... وللعلم المفروض منلبسش برا اكتر من 12 ساعه يوميا ... طبعا اغلبنا و انا اولكم مبنعملش كده , مبنقلعهاش خااااااالص كأنها جلدنا ... يبقى منجيش نزودها و نلبس حاجات مؤلمه وضاغطه ... انا والله كنت عامله زيك كده مش لاقيه حاجه مناسبه و بلبس الي بالحديده ساعات ضرني اكتر ما فادني

بصي ... في برا صيني .. عامل زي السوفت شويه هو قطن بس مشدود وحلو مش طري و بيمط ... ده سعره رخيص اوي في حدود 10 ج تقريبا و احلى ما فيه انه مريح ومش بيوجع و لما تمط منك ارميها وهاتي غيرها ... دي ببلاش تقريبا ... وممكن تجربي بتاعه قطونيل (سوفت) بس تجيبي مقاسك بالظبط عشان متمطش ... وابعدي خااااااالص عن الاقمشه السنستك ومثيلتها ... وحاولي تلبسي الوان فاتحه بلاش الاسود

دي نصحتي ليكي و لاي حد .. الي مرضهوش لنفسي مرضهوش لغيري ... وانتي حره في اختيارك
ولو لاقيتي انواع حلوه ومريحه غير الصيني قوليلي عليهم ... عشان انا كمان بدور

I

Isis

عروس مبدعة

12-12-2008 | 04:35 AM

يا جماعه انا سمعت ان جويا .. كان عامل ديسكاونت قبل العيد وصاحبتي جابت منه حاجات كتير انا مروحتش بصراحه ... صاحبتي الي قالتلي ... لو حد محتاج حاجه يسئل ممكن السيل يكون لسه موجود

ع

عضوة

12-12-2008 | 04:45 AM

ع

عضوة

12-12-2008 | 04:57 AM

عروس.bmp

untitled.bmp

عروس.jpg

عروس1.bmp

عروس3.bmp

عروس111.jpg

عروس222.jpg

N

N0rma

عروس ماسية

12-12-2008 | 05:27 AM

موضوع جامد اوووووووووووووى وانا كنت لسه داخله اعملو لئيتك عملاه يا قمر بس يلا هسامحك المرا دى:wink:

قلولى بئا العبايات محلاتها فين غير عباس العقاد وجنينه؟
بس العبايات الروشه الشيك

l

looloo86

عروس ذهبية

12-12-2008 | 06:57 AM

Isis;8037458:
ميرسي يا رورو عالموضوع الحلو ... فعلا كنا محتاجينه وربنا يوفقك ويوفقنا ونقدر نفيد بعض

بصي يا لولو ... لو صدرك صغير او حجمه حلو يبقى انتي مش محتاجه حاجه تظبط ... يمكن محتاجه حاجه تبرزه اكتر ... هاتي مبطن او الي فيه حديده بي شيلي الحديده ... بجد بلاش تلبسيها لانها بتوجع و بتضغط والحاجات دي غلط جداااااا ... وللعلم المفروض منلبسش برا اكتر من 12 ساعه يوميا ... طبعا اغلبنا و انا اولكم مبنعملش كده , مبنقلعهاش خااااااالص كأنها جلدنا ... يبقى منجيش نزودها و نلبس حاجات مؤلمه وضاغطه ... انا والله كنت عامله زيك كده مش لاقيه حاجه مناسبه و بلبس الي بالحديده ساعات ضرني اكتر ما فادني

بصي ... في برا صيني .. عامل زي السوفت شويه هو قطن بس مشدود وحلو مش طري و بيمط ... ده سعره رخيص اوي في حدود 10 ج تقريبا و احلى ما فيه انه مريح ومش بيوجع و لما تمط منك ارميها وهاتي غيرها ... دي ببلاش تقريبا ... وممكن تجربي بتاعه قطونيل (سوفت) بس تجيبي مقاسك بالظبط عشان متمطش ... وابعدي خااااااالص عن الاقمشه السنستك ومثيلتها ... وحاولي تلبسي الوان فاتحه بلاش الاسود

دي نصحتي ليكي و لاي حد .. الي مرضهوش لنفسي مرضهوش لغيري ... وانتي حره في اختيارك
ولو لاقيتي انواع حلوه ومريحه غير الصيني قوليلي عليهم ... عشان انا كمان بدور

مرسي يا جميلة على ردك أنا بس كنت برد علا رورو أنا الحمدلله مش بحتاس فيهم كنت بحتاس زمان و خدت على قفايا كتير هههههه لحد معرفت إيه إلي بيناسبني بس استفدت جداً من مشاركتك بس بلاش إلي بتمط خالص عشان الصدر بيترهل منها و ال-sports bra إلي من vega و carina بلاش خالص حتى لو فالبيت
و معلوماتك صحيحة جداً و استفدت منها
و الحاجات الصيني الرخيصة في منها حاجات حلوة على فكرة و ساعات بتبقى هي هي إلي فالمحلات بس المحل أغلى

m

meshmesh_romio

عروس فضية

12-12-2008 | 03:02 PM

المصريين اهما حيويه وعزم وهمه ههههههههههه
الف مبروك وايوه كده عايزبن مشاركات فى كل الاقسام

عايزه اجيب بنطلون جينز او جبردين اسود لو ويست وسيجارت بس مقاس صغير انا دايخه اصغر حاجه لاقيتها كانت مقاس 27 وطلع كبير عليا بس بلاش تقولولى سيتى ستارز لان اسعارهم غاليه عايزه حاجه سعرها حنين الحنيه حلوه ومطلوبه هههههههه(:

والبنت اللى بتسال على برا انا كمان كنت بدور بس انسب حاجه البوش اب حلو وبيقربهم ويرفعهم ويضبطهم اووى

W

Warde

عروس رائعة

12-12-2008 | 03:06 PM

looloo86;8037951:
مرسي يا جميلة على ردك أنا بس كنت برد علا رورو أنا الحمدلله مش بحتاس فيهم كنت بحتاس زمان و خدت على قفايا كتير هههههه لحد معرفت إيه إلي بيناسبني بس استفدت جداً من مشاركتك بس بلاش إلي بتمط خالص عشان الصدر بيترهل منها و ال-sports bra إلي من vega و carina بلاش خالص حتى لو فالبيت
و معلوماتك صحيحة جداً و استفدت منها
و الحاجات الصيني الرخيصة في منها حاجات حلوة على فكرة و ساعات بتبقى هي هي إلي فالمحلات بس المحل أغلى

إنتى قصدك اللى هو بيبقى ليكرا ده ؟؟
طيب ليه بلاش منه كمان فى البيت ؟

هو إحنا المفروض و إحنا قاعدين فى البيت مش نلبس أى حاجة .. طيب مش كده هيترهل ؟